|

Крушево етно град: викенд осврт

Во годината кога Крушево од страна на Министерството за култура на Република Македонија е избран за град на културата, се одвива шестото издание на традиционалната манифестација „Крушево етно – град“.

Ezgija publika 1

Етно дуќаните масовно се посетени од страна на туристите, а во текот на вчерашниот ден, најпосетени беа жените од Организацијата „Цвет“ од Крушево, затоа што организираа работилница за плетење и везење.

Патувајќи од Англија до Монголија, вчера во етно градот пристигна и патувачка група од Молдавија, која промовира екологија и здрава храна. Молдавците подготвија нивно традиционално јадење „Мамалига“ кое им го поделија на случајните минувачи.

Богатата културна програма која се одвиваше во текот на целиот ден, вечерта заврши со концерт на етно музичката група „Езгија“. Ова македонско трио приреди несекојдневно доживување на многубројната публика, која уживаше во звуците на македонската чалгиска музика.

На градскиот плоштад „Никола Мартиноски“ се одржа и концерт на познати музички имиња од македонската естрада. Нашите музички ѕвезди пееја хуманитарно, а собраните средства ќе се наменат за реновирање на црквата „Света Богородица“ во Крушево.

Во „Музеј Леарница“ беше отворена изложба на старо оружје од крајот на 18 и 19 век од Крушево и крушевско, а потоа на истото место, ќе се одржи туфекџиска работилница за старо комитско оружје.

Етно градот и вечерва завршува со песна. Во 21.00 часот на градскиот плоштад пеат четири хорови кои исполнуваат македонски староградски и изворни песни. Настапуваат „Пенка Котеска“ и „Пензионер“ од Прилеп, хорот „Распеани крушевчани“, но свој промотивен настап ќе има и новооформениот крушевски градски хор „Македониум“.

Ezgija publika_krusevo_etno_grad1

Ezgija_krusevo_etno_grad

Short URL: http://arhiva.cooltura.mk/?p=52160

Posted by on Jul 28 2014. Filed under Етнологија, Музика, Настани, Топ Вести. You can follow any responses to this entry through the RSS 2.0. You can leave a response or trackback to this entry

Leave a Reply

UA-20274170-1